top of page

Kalamboan sa panubig sa 4 Oro brgys gilantaw

HAYAN mahatagan sa dugang kalamboan ang sistema sa panubig sa upat ka mga barangay sa dakbayan sa Cagayan de Oro.


Kini human ang Konseho sa Syudad ubos ni Bise Mayor Bebot Rodriguez mihatag og katungod ni Mayor Klarex Uy pagpirma sa Memorandum of Agreement (MOA) tali sa Department of Public Works and Highways (DPWH) – Cagayan de Oro 2nd District Engineering Officer alang sa panagtambayayong dinha sa pagpatuman sa pipila ka mga proyekto. Lakip sa gilatawng mapatuman nga mga proyekto mao ang pagtukod og solar water supply system dinha sa Barangay Cugman, FS Catanico, Indahag ug Puerto.


Subay sa MOA, ang pundo alang sa pagpatuman sa upat ka mga proyekto kuhaon gikan sa General Appropriations Act (GAA) nunot sa “DPWH Guidelines for the Implementation of All Construction of Solar Water System Projects – FY 2023 GAA, DPWH Budget.”

- Solar water supply system matukod


Tinguha niini nga matubag ang panginahanglanon sa katawhan sa igong tinubdan sa tubig nga magamit sa inadlaw-adlaw nga panginabuhi.


Ubos sa MOA, ang kagamhanan sa dakbayan maoy magdumala ug magmintinar sa mga matukod nga sistema sa panubig sa panahon nga makompleto na ang pagtrabaho ug matunol na ang mga proyekto pabor sa kagamhanan. Ang ordinansa nga gipalabang sa Konseho alang sa maong katuyuan gipaluyohan sa Komite sa Pamalaod ni Konsehal Edgar Cabanlas.

留言


bottom of page