Int’l Youth Week gisaulog sa CDO

SI Konsehal John Michael Seno, chairman sa komite sa Sports and Youth Development, misuporta sa mga programa nga gihan-ay pahaom sa kasaulogan sa International Youth Week dinhi sa dakbayan nga nagdala sa temang “Creating a World for all Ages”.

Sa sesyon niadtong Lunes nga gidumala ni presiding officer protempore Konsehal Edgar Cabanlas, magarbohong gipaila sa konsehal ang mga sakop sa Oro Youth Development Council nga naglangkob nila ni Sectoral Vice-Chairperson Kyle Chester Cotarte; Youth Counselors (In School Youth) Ivan Jay Lagunero ug John Ray Dante; (Out of School Youth) Nelson Anggamay; Special Advocacy-Based Youth Jonathan Sudaria, Harold John Payla, Ezel Lambatan, ug Hannah Gwenyth Pardilla; Community Based Youth

Anthony Francis Fornillos; Faith-Based Youth Rense Anthonette Cabahug ug Andrew Catalbas; Cultural-Based Youth Glendel Mae De Luna ug ang Secretariat James Patrick Santos ug Lord Saver Centina.

Matod ni Seno nga ang konseho misagop sa balaod aron mapalapdan ang mga programa pinaagi sa pagmugna sa Oro Youth Development Council (OYDC), Out of School Youth Development Alliance (OYSDA) ug Oro Youth Code nga naghatag og giya ug palisiya nga makaaghat sa kabatan-onan nga makiglambigit sa mga programa alang sa ilang dugang kaugmaran.

Dugang pa, si Seno, atol sa Flag Raising Ceremony sa City Hall niadtong Lunes, nagdasig usab sa kabatan-onan nga mosalmot sa mga kalihokan nga gihan-ay sa matag barangay pahaom sa kasaulogan. (SP/RNQuiblat/Photo by JBDacer)