Insentibo sa magtiayong mag-Golden Wedding gisugyot

Magtigom karong alas 9 sa buntag diha sa hawanan sa konseho ang Komite sa Senior Citizens ni Konsehal Yvy Emano.

Tipik sa hisgutan sa tigom ang sugyot ordinansa nga gihingusgan ni Konsehal Roger Abaday nga maghatag og insentibo nga tag-P5 mil alang sa matag magtiayong Kagay-anon nga magsaulog sa ilang Golden Wedding Anniversary.

Dugang tukion mao ang sugyot nga mahatagan og Centenarian gift o’ financial incentive ang mga Kagay-anong Centenarian balor P100,000.00.

Niini, gidapit ni Emano pagtambong sa tigom aron paghatag sa ilang panahum ug opinyon sila si Konsehal Roger Abaday ug Konsehal Yan Lam Lim; City Administrator Atty. Roy Hilario Raagas; Roxanne Ravidas, officer-in-charge sa City Budget Office; Anecia Tongson, OIC sa City Social Welfare and Development Department (CSWD); City Legal Officer Atty. Kenneth Tamala; City Civil Registrar, ug Federation President (OSCA-CDO) Ret. Col. Honorio Cervantes.