top of page

House of Hope Psychiatric Care Facility dumalahon sa City Hospital

MAS mapalambo pa ang serbisyong gitanyag sa House of Hope dinha sa barangay Lumbia, ning syudad.


Kini human giuyunan sa konseho sa syudad sa sesyon kagahapon nga gidumala ni Bise Mayor Bebot Rodriguez ang ordinansa nga naghatag og katungod ni Mayor Klarex Uy pagpirma sa Memorandum of Agreement (MoA) tali sa House of Hope Foundation, Inc. nga naglangkob sa pagbalhin sa pagdumala sa Custodial Psychiatric Care Facility sa House of Hope ngadto sa JR Borja General Hospital (JRBGH).


Gipasabot nga ang maong lakang pinasubay sa Ordinance No. 14297-2022 kon Mental Health Code of Cagayan de Oro. Ubos sa ordinansa, ang custodial psychiatric facility pagadumalahon sa JRBGH kinsa adunay mga doktor ug kawani nga hanas sa pag-atiman sa mga pasyente sa facilidad.


Niini, magpadayon ang pagtunol sa dakbayan sa P3 milyones nga financial assistance ngadto sa Foundation ug tugutan usab ang mga sakop sa Missionary Congregation of Mary (MCM Sisters) nga magamit ang ilang kombento sulod sa compound aron mapadayon ang ilang apostolic ug missionary duties ug services.


Ang ordinansa nga gipalabang sa konseho alang sa maong katuyuan gipaluyohan sa komite sa social services ni Konsehal Girlie Balaba ug komite sa pamalaod ni Konsehal Edgar Cabanlas.



Comments


bottom of page