top of page

HAPAG Ordinance sa Cugman giuyonan sa konseho

HINIUSANG giuyonan saKonseho sa Syudad sa sesyon niadtong Lunes nga gidumala ni Bise Mayor Bebot Rodriguez, ang Ordinansa sa Barangay Cugman nga nagmugna sa Halina’t magtanim ng Prutas at Gulay (HAPAG).



Ang ordinansa gitumong sa pagpalig-on sa kapasidad sa barangay alang sa malahutayong inisyatibo sa agriklultura aron matubag ug makunhuran ang problema sa kagutom ug kakulangon sa tinubdan sa pagkaon.


Gipasabot nga ang nasinating pandemya dala sa COVID 19, nakadugang sa kakulangon sa supply sa pagkaon ug nakabalda sa kasayon sa pagbaton sa preskong mga lagutmon sa ubos nga presyo.




Ubos sa ordinansa ang pagmugna og community garden dinha sa Zone 7 Malasag. Ang maong community garden adunay gilapdon nga 100 metros kwadrado ug dumalahon sa Barangay Nutrition Committee (BNC) inubanan sa Barangay Ecological Solid Waste Management (BESWM) Committee.


Gilantaw nga pinaagi sa ordinansa, mamugna ang pundok sa mga magboluntaryo sa komunidad nga moabag dinha sa pagmintinar sa maong community garden.


Ang resolusyon nga gisagop sa konseho alang sa maong katuyuan gipaluyuhan sa Komite sa Barangay Affairs ni Konsehal Yan Lam Lim, ug Komite sa Pamalaod ni Konsehal Edgar Cabanlas.

Comentarios


bottom of page