Goking gidapit sa Hala Kumbira sa Agosto 18, 2023

Usa si Konsehal George Goking sa mga pinasidunggang dinapit sa Opening Ceremony sa “HALA KUMBIRA” sa umaabot Agosto 18, 2023 diha sa L5 Event Hall sa SM CDO Downtown Premier ning syudad.

Ang kalihokan gipasiugdahan sa Cagayan de Oro Hotel and Restaurant Association (COHARA) sa panguna ni Jeffrey Limbonhai ug Joanna Cris L. Yu, chairperson sa Kumbira 2023.

Ang KUMBIRA 2023 adunay duha ka hugna, una sa umaabot Agosto 18 nga mao ang “HALA KUMBIRA-PRELUDE” nga maglangkob sa 1st Inter-Barangay Display Competition ug sa umaabot Oktobre 11-13, 2023 alang sa ika-27th KUMBIRA 2023.

Si Goking namahayag nga ang maong kalihokan sa COHARA makapaaghat sa dugang kalamboan sa natad sa turismo dinhi sa syudad ug dugang kalamboan sa ekonomiya.