Gisugyot nga P5 mil nga ayuda alang sa mga hamtong tun-an sa LFC

GIPAABOT tun-an sa Local Finance Committee (LFC) ang sugyot balaodnon nga maghatag og tag-P5 mil nga ayudang pinansyal alang sa mga hamtong nga mo-edad og 70 anyos.

Kini human ang komite sa senior citizens ni Konsehal Roger Abaday nagtigom kagahapon ug mituki sa sugyot ordinansa ni Konsehal Bernie Esparcia nga maghatag sa tag-P5 mil balor nga voucher alang sa mga hamtong nga magamit dinha sa medical service, maintenance medicine, eye check up ug prescription glasses.

Sa tigom, nasayran gikan sa representante sa City Social Welfare and Development (CSWD) nga aduna nay mga ayudang gitunol ang kagamhanan ngadto sa mga hamtong sa ilang pagsaulog adlawng natawhan.

Gani, giingon nga gadawat ang mga kabus nga mga hamtong og social pension, libreng medical checkup sa mga pampublikong hospital atol sa ilang adlawng natawhan, medical assistance sa ilang pagsakit ug daghan pang uban nga benepisyo.

Ang sugyot ni Esparcia, matod pa, magsilbi nga regalo o pahalipay sa mga hamtong nga moabot sa maong pangedaron. (SP/JRGalano)