top of page

Girlie misugyot sign language malakip sa school curriculum


Dako kaayo ang matabang sa usa ka tawo kun makaantigo sa sign language.

Kini ang unod sa taho ni Konsehal Girlie Balaba atol sa sesyon sa konseho niadtong Lunes nga gidumala ni Bise Mayor Bebot Rodriguez.

Matod sa konsehal nga dili lang limitado sa mga adunay kabilinggan sa pandungog ang sign language kun dili magamit sa tanan dinha sa inadlaw nga panginabuhi.

Adunay mga seminar kabahin sa sign language nga mahimong masalmotan sa katawhan aron madugangan ang kahibalo ug masabtan ang basics sa sign language, pamahayag ni Balaba.

Siya dugang mipasabot nga ang usa ka simpleng hand sign mahimo nang makaluwas sa kinabuhi ilabina panahonsa emerhensiya.

Kun kini malakip sa curriculum dinha sa mga tunghaan hayan daghan sa mga tinun-an ang matabangan ug makatabang kun makakat-on sa sign language, sumpay sa konsehal.

Niini, gipanawagan sa konsehal uban sa Deaf Association of Misamis Oriental (DAMOR) nga unta matukod dinhi sa syudad ang tunghaan alang sa mga adunay kabilinggan sa pandungog ug masukip sa curriculum sa mga tunghaan ang pagtudlo sa sign language.

Comments


bottom of page