Fire crackers regulation tukion sa komite sa konseho

Gihingusgan ni Konsehal George Christopher Goking, chairman sa komite sa trade and commerce, ang pagmonitor sa naggamit ug nagbaligya sa mga sub-standard electronic Christmas decorations ug sa illegal nga pabuto dinhi sa syudad panahon sa kapaskohan.

Sa tigom karong Huwebes, Enero 29, sa alas 9:00 sa buntag diha sa hawanan sa konseho, hiniusang  tukion sa komite sa trade and commerce uban sa komite sa economic enterprises ni Konsehal Edgar Cabanlas, komite sa consumer protection ni  Konsehal Jonjon Rodriguez ug komite public order ni Konsehal Roger Abaday, ang sugyot pag-amendar sa fire crackers regulation nga nasulod sa Ordinance No. 4373-94 kon Codified Ordinance sa dakbayan.

Gilauman nga motambong sa  tigom ang mga sakop niini nga sila si Konsehal Antuy Pascual, Jing Daba, Kenneth John Sacala, Al Legaspi, Sr., Yvy Emano, Des Dahino, Yan Lam Lim, Gigi Go, Eric Salcedo, Paolo Gaane, Aga Suan, Bise Mayor Bebot Rodriguez, pipila ka stakeholders ug mga hepe sa lain laing buhatan sa City Hall, aron makuha ang ilang opinyon sa maong lakang. (RNQ/SP)