top of page

Esparcia misugyot pagsagop sa kultura sa Higaonon

Hugot nga gisugyot ni Konsehal Bernie Esparcia nga masagop ang kultura sa Tribu Higaonon sa mga kalihukan nga ipahigayon aron mapreserbar ang tradisyon niini.

Kini ang pasumpay sa special report sa Konsehal sa sesyon sa Konseho niadtong Lunes nga gidumala ni Bise Mayor Bebot Rodriguez, mahitungod sa pagpreserbar sa mga cultural heritage sa syudad.


Matod ni Esparcia nga dili hinoon kinahanglan nga mag-focus sa tribo ang ipahigayong festival kun dili makita lang nga magkonektar sa tribu o’ kultura sa syudad. Hinoon sa iyang bahin, si Konsehal Girlie Balaba, co-chair sa Street Dancing Competition sa Higalaay Festival, mibutyag nga ang komite naghan-ay na sa kategorya ug criteria diin kinahanglan nga Higaonon ang tema sa presentasyon, butang nga gikalipay ug gipasalamatan ni Konsehal Esparcia.


Subay niini, malaumon si Esparcia nga mapreserba ang kultura ug tradisyon sa syudad ug dili makalimtan sa alimpakan sa matag Kagay-anon kun unsa ang ilang gigikanan.

Comentarios


bottom of page