Esparcia misugyot pagpaskil sa socmed sa kalihokan sa mga bulangan

Gisugyot ni Konsehal Bernie Esparcia ngadto sa mga tigdumala sa bulangan dinhi sa syudad nga samtang kamulo silang nag-operate magpaskil sa social media sa mga kalihukan sulod sa bulangan aron dayag nga makita ug masayran sa katawhan kun nasunod ang mga health protocols nga gisitar sa gobyerno.

Kini ang gipaabot sa konsehal atol sa milabayng tigom sa komite sa games and amusement nga gidumala ni Konsehal Roger Abaday human gituki ang aplikasyon alang sa Special Permit sa Indahag Square Garden.

Gipasabot ni Esparcia nga makatabang sa mga tigdumala sa bulangan ang pagpakita sa mga panghitabo sulod sa bulangan kay maseguro nga ila gayud nga gipatuman ang gisitar nga minimum health protocols sa gobyerno.