Emano mipahalipay sa mga bag-ong napili nga mga Barangay ug Sk officials sa syudad

KINASING-KASING nga nagpaabot sa iyang pagpahalipay si Konsehal Yvy Emano, chairman sa komite sa senior citizen, ngadto sa tanang napili nga mga opisyal sa Barangay ug Sangguniang Kabataan sa bag-ohay palang nahuman nga piliay.

Sa iyang mensahe nanghinaot ang konsehal nga limtan na sa tanan ang panagbangi niadtong milabayng piliay ug maghiusa na alang sa tinguha niining pagserbisyo sa katawhan sa ilang tagsa tagsa ka barangay .

Gani, gikalipay sa konsehal ang malinawon nga piliay tungod sa hugot nga pagbantay ug suporta sa kapolisan ug sa ubang ahensya sa gobyerno.

Niini malaumon si konsehal Emano nga matuman sa mga bag-ong milingkod nga mga opisyal sa kabarangayan ang ilang mandato ug tahas sa katawhan aron ilang matunol ang mga maayong programa ug proyekto ingon man ang mga batakang serbisyo.