top of page

Emano maningkamot matunol tiunay nga serbisyo ngadtos mga hamtong


Dako ang kalipay ug pagpasalamat ni Konsehal Yevonna Yacine “Yvy” Emano, chairman sa komite sa Senior Citizens, sa mga opisyales ug miembro sa United Senior Citizens Chapter CDO, Inc. (UNISCA) sa pagdapit kaniya nga mamulong atol sa General Meeting sa milabayng adlaw.


Atol sa panagtigom sa mga hamtong, si Emano mapasalamaton sa higayon nga makahimamat ang mga sakop sa Unisca nga gipangulohan ni Leonardo Bantilan. Ang panagtambayayong sa komite sa senior citizens sa konseho ug kapunungan sa mga hamtong magsilbing giya aron mahatagan sa pagtagad ang inyong mga mulo ug panginahanglanon, pamahayag ni Emano.


Ako malaumon nga taliwala sa kahingkod sa akong panerbisyo sa gobyerno nahatagan gihapon sa kaakuhan nga magdumala sa komite. Unta, mopatigbabaw ang panaghiusa ug kooperasyon sa tanang kapunungan sa mga hamtong aron hapsay ang pagtunol sa mga benepisyo ug serbisyo sa gobyerno ngadto sa matag usa, panapos ni Konsehal Yvy Emano.

コメント


bottom of page