Emano: Mahal ko ang mga hamtong

MITAMBONG si Konsehal Yevonna Yacine V. Emano sa sinemanang seremonya sa pagpakayab sa nasudnong bandila sa Barangay Macabalan niadtong Lunes, Hulyo 28, 2025, uban ang mga opisyales ug kawani sa barangay.

Sa iyang mubo nga mensahe, nagpasalamat ang konsehal sa suporta nga gihatag kaniya sa katawhan nga maoy hinungdan sa iyang pagbalik isip konsehal sa ikaduhang termino.

Gibutyag usab niya nga duol sa iyang kasingkasing ang Barangay Macabalan tungod sa kadaghan sa iyang kaparyentehan dinhi.

Mipasalig usab si Konsehal Emano nga ipadayon niya ang nasugdan nga serbisyo ug tabang sa katawhan sa barangay, ilabi na ang mga programa alang sa katigulangan. Bisan pa man nga dili na siya ang namuno sa komitiba sa mga senior citizen sa Konseho, buot niya nga magpadayon sa pagserbisyo kanila. (JAO/SP/Councilor Emano's staff)