City Vet gipasalamatan sa pagdeputize sa pagpanakop sa mga latagawng iro

HUGOT nga gipasalamat  ni Konsehal Marlo Tabac, chairman sa Komite sa Barangay Affairs, ang kadagkoan  sa City Veterinary Office (CVO) sa ilang pag-deputize sa pipila ka barangay diha sa pagpatuman sa ilang Oplan Pamatong.

Sa miaging  tigom sa komite, gibutyag  sa representane sa maong buhatan nga tungod sa kadaghan sa hangyo nga ilang nadawat  alang sa paghipos sa mga laawng iro, ilang  gi-deputize ang ubang barangay sa paghipos  sa  mga latagawng iro diha sa ilang dapit.

Gani, gibutyag nga  adunay  mga barangay nga ila  nang nabansay  sa pagdakop sama sa Barangay 17 ubos ni Kapitan Anthony Atterviry nga desidido kaayo moabag  sa pagpanakop sa latagawng iro sulod sa  iyang  barangay aron makatabang sa programa.

Sumala ni Tabac nga dako kini nga tabang   sa kabarangayan diha sa kampanya pagsikop sa mga latagawng  iro alang sa kapaseguroan ug kaluwasan   sa katawhan. (JRG/SP)