Carlo Paalam makadawat og 2M nga cash incentive


NUNOT sa kadaogan nga naangkon ni Carlo Paalam isip Silver Medalist sa Men’s Boxing Flyweight Division sa Tokyo 2021 Summer Olympics, ang konseho sa syudad ubos ni Bise Mayor Kikang Uy hiniusang mipalabang og ordinansa nga naghatag og cash incentive award balor P2 milyones ngadto kaniya.

Ang pundo alang sa maong katuyuan kuhaon gikan sa item “Awards/Rewards Expenses-Sports Incentives ubos sa Non Office-Social Services Sector sa 2021 Annual Budget.

Si Bise Mayor Kikang mipasabot nga si Paalam usa ka Kagay-anon nga naghatag og dakong kadongganan dili lang sa syudad sa Cagayan de Oro apan sa tibook nasod sa Pilipinas ug nagsilbi siyang inspirasyon sa ubang atleta nga magmakogi sa ilang gihilig nga paugnat sa kusog kon sports.