top of page

Calizo padayong naninguha mahapsay dagan sa trapiko


PADAYONG gitun-an sa komite sa public utilities, energy and transportation ni Konsehal Romeo Calizo ang mga pamaagi nga mahapsay ang dagan sa trapiko dinhi sa syudad.

Lakip niini ang hangyo sa Golden Friendship Eco-Friendly Transportation Cooperative (GOFETCO) alang sa development route ubos sa Iponan Route 2 nga magbyahian gikan sa Kinasanghan paingon sa Pueblo de Oro Loop.

Kini human ang kadagkoan sa Roads and Traffic Administration (RTA) mibutyag nga ang origin sa ruta nga mao ang Iponan adunay transport cooperative nga kasamtangang nag-operate sa dapit. Niini, si Calizo malaumon nga makuha ang panahom sa kadagkoan ug mga sakop sa maong kooperatiba ingon man sa mga molopyo sa Iponan kalabot sa hangyo sa Gofetco nga maoy mag-operate sa gitumbok nga ruta gikan sa Iponan paingon sa Uptown Area sa dakbayan.

bottom of page