Cabanlas uyon sa pagbutang og welcome arches o boundary markers sa syudad

Kinahanglang masiguro ug matumbok ang pagbutang sa mga boundary markers o welcome arches nga dili masaypan sa mga motorista.

Kini ang gipaambit ni Konsehal Edgar Cabanlas atol sa sesyon sa konseho niadtong Lunes nga gidumala ni Bise Mayor Jocelyn “Bebot” Rodriguez human si Konsehal James Judith II mitaho sa kakulangon sa mga welcome arches nga magpahibalo nga teritoryo na sa dakbayan sa Cagayan de Oro. Sumala ni Cabanlas nga angayang bantayan pag-ayo ang mga dapit diin ipahimutang ang maong mga arches o’ markers kay adunay mga dapit nga nagkabangi pa sa mga doluna.

Niini, malaumon si Cabanlas nga matun-an pag-ayo sa komite sa turismo ni Konsehal Jay Roa Pascual uban sa pag-abag sa ubang buhatan sa gobyerno ang maong lakang nga mapahaum sa tinguhang magpahibalo sa mga doluna sa dakbayan.