top of page

Cabanlas nangusog matabangan ang molopyo sa Zone-11 Carmen

Gitinguha ni konsehal Edgar Cabanlas, chairman sa komite sa Urban & Rural Poor and Housing Development, nga matunol sa aktuwal nga molopyo sa Golden Boulevard Settlers Association diha sa Zone-7, Barangay Carmen, ang lote nga ilang kasamtangan nga gipuy-an.


Kini human nasuta sa gihimong survey ni Mr. Reuben Bona-oy, zoning inspector sa Task Force Emancipation of Piso-Piso Beneficiaries (TFEPB), nga ang maong lote lakip sa napalit sa gobyerno local sa milabayng administrasyon.

Si Cabanlas mibutyag atol sa tigom sa komite nga dili angayan mabalaka ang mga molopyo kay programa og prayoridad sa goberno ang pagtunol sa mga housing unit ilabe na niadtong mga kwalipikado nga mahimong benepisaryo sa maong programa.


Hisayran nga humana nagpahigayon og Profilling ang mga kawani sa City Housing & Urban Development Office sa aktwal nga residente sa dapit.


Niini gi-awhag ni Cabanlas ang mga molopyo sa dapit nga mosumite na sa ilang mga gikinahanglang rekisitos sa opisina sa City Housing & Urban Development (CHUDD) aron madali ang pagproceso alang sa maong katuyuan.



Комментарии


bottom of page