top of page

Cabanlas nagtoo wala giputol karaang kahoy dihas Divisoria


Dili makatoo si Konsehal Edgar Cabanlas, chairman sa Komite Urban and Rural Poor and Housing Development, nga gipamutol ang mga karaang kahoy nga gipreserba tungod sa kadugayon na niini.


Kini, human klaro niyang nadungog sa pamahayag ni City Mayor Klarex Uy atol sa ground breaking pagtukod sa bag-ong gambalay alang sa Police Station-1, nga iyang gihangyo ang contractor nga dili pahilabtan ug dili putulon ang mga daang kahoy nga anaa sa dapit. Mao kini ang katin-awan sa konsehal sa taho ni Konsehal Ian Mark Nacaya atol sa sesyon niadtong Lunes nga gidumala ni Bise Mayor Bebot Rodriguez kalabot sa giingong pagpamutol sa mga karaang kahoy nga angayang ipreserba tungod sa kadugayon na.


Nagtoo si Cabanlas nga posibleng ang mga kahoy sama sa Gemelina ug ang mga sinalingsing maoy gipamutol sa contractor dili kadtong mga kahoy nga miabot na sa 50 ka tuig kapin.


Niini, suportado ni Cabanlas ang programa sa Cultural and Historical Commission nga mapreserba ang mga dapit nga naghatag ug historical value sa syudad.

Comentarios


bottom of page