top of page

Cabanlas misuportang mapanumbalik pagsuot og helmet sa Poblacion area


KUSGANONG gipaluyohan ni Konsehal Edgar Cabanlas, Chairman sa Komite sa Urban and Rural Poor and Housing Development, ang sugyot sa pagpanas sa ordinansa nga nagtugot sa dili pagsuot og helmet sa mga motorcycle riders sa Poblacion area ug uptown nga bahin sa syudad.

Kini ang reaksyon sa konsehal sa special report ni Konsehal Roger Abaday, sa sesyon sa Konseho niadtong Lunes nga gidumala ni Bise Mayor Bebot Rodriguez.

Matod niya nga kinahanglang marepaso ang ordinansa tungod kay iyang nasabtan ang panginahanlan aron matubag ang tumong sa maong sugyot subay sa pagpatuman sa nasudnong balaod.

Hinuon, iyang gitin-aw nga ang pagsuot sa helmet kinahanglan abli ang sa dagway nga bahin aron maklaro gihapon ang panagway sa rider.

Niini, gisugyot ni Cabanlas nga masukip sa sugyot ordinansa sa sunod sesyon sa Konseho ang lakang aron mapatuman sa labing daling panahon ug mahatagan sa kapasigurohan ang katawhan ilabina ang mga motorcycle riders. (MLRapanot/SP)







Comments


bottom of page