top of page

Cabanlas miaksyon sa hangyo sa V. Castro H’owners Assn


Girekomendar sa komite sa urban and rural poor and housing development ni Konsehal Edgar Cabanlas ngadto sa opisina ni Mayor Klarex Uy ang hangyo sa mga molopyo sa V. Castro Homeowners Association, Inc. sa barangay Carmen. Kini kalabot sa ilang tinguha nga matabangan nga makapahimulos sa gitanyag sa dakbayan nga 20% equity aron ilang magamit og bayad sa loteng kasamtangan nilang giokupahan.


Sa milabayng tigom sa komite, si Cabanlas mibutyag nga iyang nasuta nga wala nay bikil sa mga dokumento nga gikinahanlan, gani mismo ang abogado sa tag-iya sa lote nga si Atty. Francis Khu mikompirma nga nagkasabot na sila sa mga molopyo, sumpay ni Cabanlas.


Niini, ang mga sakop sa kapunungan mipaabot sa ilang pasalamat ngadto sa komite tungod kay naaksyonan na ang ilang hangyo ug mahatagan na sila sa kahupayan sa ilang kabalaka ug gilantawng maangkon na ang loteng ilang giukopahan.

Comentarios


bottom of page