top of page

Cabanlas malaumon sa maayong pagdumala sa bag-ong hepe sa COCPO


“ANDAM kanunay nga moabag ang Konseho sa Syudad sa mga maayong programa ug tinguha sa bag-ong hepe sa kwerpo sa kapolisan, ilabina dinha sa pagpatunhay ug pagmintinar sa kahusay ug kalinaw.”


Mao kini ang gipaambit ni Konsehal Edgar Cabanlas, atol sa sesyon sa Konseho niadtong Lunes nga gidumala ni Bise Mayor Bebot Rodriguez, human mibisita si P/Col. Salvador Radam, ang bag-ong milingkod nga City Police Director sa dakbayan sa Cagayan de Oro.


Niini, ang konsehal mihangyo nga ayohon lang ang trabaho ug pagdumala sa kapolisan ilabina ang daling pagsulbad sa mga panghitabo ug daling pagresponde sa panginahanglan kay sagad kining mulo sa katawhan. Dugang pa ni Cabanlas nga angayang ampingan ang kahusay ug kalinaw sa malambu-on nga syudad kay kini ang bugtong hinagiban nga madani ang mga negosyante nga mobobo sa ilang puhonan tungod kay naila ang dakbayan nga sentro sa ekonomiya. Dako iyang paglaum ug panghinaut nga mapatuman ni Radam ang tahas nga gisangon kaniya sa mga opisyal ug sa katawhan sa syudad.



bottom of page