top of page

Cabanlas malaumon matunol ang batakang serbisyo sa mga napili nga opisyal sa barangay

HUGOT nga nagpahimangno si Konsehal Edgar Cabanlas, Majority Floor Leader sa konseho sa tanang mga bag-ong napili nga mga opisyal sa kabarangayan nga matunol sa walay pili sa bulok sa politika ang mga batakang serbisyo sa katawhan.


Kini ang mensahe ni Cabanlas atol sa gipahigayong Mass Oath Taking Ceremony sa mga napiling barangay ug SK officials diha sa City Tourism Hall niadtong milabayng adlaw.

Sumala sa konsehal nga ihikling na ang politika ug maghiusa aron makab-ot ang mga maayong proyekto ug programa nga haom sa katawhan nga naginahanlan. Dugang pa ni Cabanlas nga andam ang Majority Bloc sa konseho sa pagsuporta sa mga programa sa kabarangayan nga makatabang aron mapalambo ang barangay.


Niini gipaabot ni Konsehal Cabanlas ang ang iyang kinasing-kasing nga pagpahalipay sa tanang mga napili nga mga opisyal sa syudad ug nanghinaot nga tumanon niini ang tahas nga gisangon kanila sa katawhan nga moalagad ug moserbisyo sa tinooray sa ilang tagsa-tagsa ka mga barangay.


Commenti


bottom of page