Cabanlas kontento sa presentasyon gikan sa kagamhanang lokal

Nanghinaot si Konsehal Edgar Cabanlas, chairman sa komite sa Urban and Rural Poor and Housing Development, nga natubag ug natin-awan ang tanan sa presentasyon sa mga dinapit nga bisita gikan sa Department of Social Welfare Department (DSWD),

Michael Christopher Fabello, Officer-in-Charge sa City Social Welfare Department (CSWD), Oliver Egypto, City Government, Department Head Office of the Community Affairs ug Teddy Sabuga-a Acting City Administrator kabahin sa isyu sa distribusyon sa special ayuda.

Sa sesyon sa konseho niadtong Lunes nga gidumala ni Bise Mayor Kikang Uy, sumala ni Cabanlas nga boot nilang masayran gikan sa kadagkuan sa DSWD kun pila ang gigahin nga ayuda alang sa Dakbayan sa Cagayan de Oro ug unsay gibasehan niini ug

gipangutana usab niiini kon unsay basehanan sa lista sa mga benepisaryo.

Matud ni Madel Lim representante sa DSWD nga ang datus nga ilang gibasehan naggumikan sa Local Government Unit (LGU) pinaagi sa buhatan sa CSWD.

Hinoon nakontento si Kagawad Edgar Cabanlas sa gipresentar nila ni Fabello ug Egypto nga power point kabahin sa sistema sa pagpang apod-apod sa maong special ayuda alang sa mga katawhan sa dakbayan.

Nunot niini naglaum ug nanghinaot si Cabanlas nga mawagtang na ang mga pagduda human napasabot ug natin-awan ang tanan sa maong isyu.