BEAD ordinance suportado ni Suan

“Timing kaayo nga gipresentar kini ni Konsehal Jon Jon Rodgriguez ang sugyot ordinansa kabahin sa pagmugna og Barangay Employment Assistance Desk (BEAD) apan gikinahanglan ang daghang panaghisgot ug ang makuting pagtuon.”

Kini ang gibutyag ni Konsehal Aga Suan, minority floor leader sa Konseho human gihisgutan ang maong sugyot ordinansa atol sa miaging tigom sa komite sa cooperative, labor og employment nga gidumala ni Konsehal Gigi Go.

Matod ni Suan nga nahisgutan na kini sa miaging konseho, apan naabtan sa paghulip  sa bag-ong pangulo sa komite ug bag-ong komposisyon sa konseho sa dakbayan.

Hino-on, gikalipay ug suportado ni Konsehal Suan ang maong lakang kay nakita sa konsehal nga usa kini sa paagi nga matubag ang mga isyu kabahin sa panarbaho ug mapataas ang kahimtang sa ekonomiya dili lamang sa mga tawo nga walay trabaho, maghatag usab kini og kita  ingon man dugang kalamboan sa dakbayan. (RNQ/SP)