Aplikasyon sa derby sa LOSA tukion sa Komite sa Games

GITAKDANG tukion karong adlawa sa Komite sa Games and Amusement ni Konsehal Roger Abaday ang aplikasyon sa Lumbia Octagon Sports Arena (LOSA) nga makapahigayon ug usa ka adlaw nga derby sa umaabot Abril 30 ning tuig alayon sa kasaulogan sa Labor Day sa nasud.

Sa ilang sulat, atol sa maong kalihokan ang tigdumala sa bulangan mohatag  og mga papremyo ingon man pahalipay  ngadto sa  mga trabahante agig pag-ila sa ilang dakong kontribusyon sa kalamboan sa  sa ekonomiya sa syudad.

Si Konsehal Abaday malaumon nga masunod ug masumite sa tigdumala ang mga gisitar nga rekisitos alang sa nasangpit nga katuyoan.

Niini gidapit sa komite pagtambong sa maong tigom aron paghatag sa ilang panahom ug opinyon sila si Atty. Roy Raagas, City Administrator Atty. Kenneth Tamala, City Legal Officer, Hon. Alexander Torralba, Punong Barangay sa Barangay Lumbia ug Mr. Rodrigo Go, President, Lumbia Octagon Sports Arena.