Annual Budget sa SK sa Bayanga gisuportahan sa Komite ni Sacala

GILANTAW   nga mas mapalapdan pa ang serbisyo  sa Sangguniang Kabataan sa Barangay Bayanga  ning syudad ngado sa kabatan-onan sa ilang dapit.

Kini human paborableng giuyonan sa komite sa sports and youth Development atol sa tigom niadtong Martes nga gidumala ni Konsehal Kenneth John Sacala ang gipresentar sa barangay nga  resolusyon  nga may kalabutan sa  ilang gidusong Annual Budget gikan sa bulan sa Enero ngadto sa Disyembre ning tuig nga mokabat sa P713,694.

Giuyonan sa komite ang maong  lakang agig pagsanong sa giluwatang indorsement ni City Budget Officer Atty. Percy Salazar alang sa maong katuyoan.

Nanghinaot si Konsehal  Sacala  nga mapalapdan sa SK sa Bayanga ang ilang serbisyo ngadto  kabatan-on sa ilang barangay. (JRG/SP)