top of page

Annual Budget sa Brgy. Consolacion aprobado na


Hingpit nang mapatuman sa Barangay Consolacion ning syudad ang ilang mga programa ug proyeko karong tuig 2023.


Kini human ang Konsheho sa sesyon kagahapon, nga gidumala ni Presiding Officer Pro Tempore Councilor Romeo V. Calizo, misagop og resolusyon nga nag-uli sa ordinansa sa maong Barangay nga may kalabutan sa ilang 2023 Annual Budget nga mokabat og P11,417,070.


Tipik sa gigahinan sa barangay sa maong budget ang paghinlo sa mga canals, pagsemento sa pathways gikan sa Distrito 1-6, pagtukod og drainage system, pagtukod og dugang poste sa kuryente, ug pagrehabilitar sa ilang Multi-Purpose Hall.


Dugang niini, migahin usab ang barangay og igong pundo aron pag-instalar sa electrical wiring facilities, pagtukod og deepwell, pagrehabilitar sa motorpool sa Distrito 4, ug uban pang mga programa ug proyekto nga gilantawng maghatag dugang kalamboan sa ilang barangay .


Ang resolusyon nga gipalabang sa Konseho alang sa maong katuyuan gipaluyuhan sa komite sa Barangay Affairs ni Konsehal Yan Lam S. Lim ug Komite sa pamalaod ug reglamento ubos ni Konsehal Edgar Cabanlas.

Σχόλια


bottom of page