Abbu nagpasalamat sa DOLE

HUGOT nga gipasalamatan ni Konsehal Joey Abbu, Jr., Chairman sa Komite sa Labor, ang buhatan sa Department of Labor and Employment (DOLE) - Northern Mindanao sa ilang pagpasiugda sa Labor Day Fun Run nga nagdala sa tema: “Dagan Para sa Mamumuo”.

Sa iyang pag-apil sa maong kalihokan, nakapaambit ang konsehal sa kamahinungdanon sa pagsaulog sa mga paningkamot ug kahago sa mga mamumuo dinhi sa syudad ug sa tibuok nasud.

Tinuig lamang kini nga holiday busa angay pasidunggan ang sector sa mamumuo, matod ni KonsehalAbbu.

Niini, kusganong nagpasalamat si Konsehal Abbu sa DOLE sa dakong kalamposan sa maong fun run nga gipahinungod sa mga mamumuo atol sa pagsaulog sa Labor Day.