Abaday tukion ang security plan alang sa pagpangandam sa kapistahan sa dakbayan

HISGUTAN sa umaabot tigom sa komite sa public order and safety ni Konsehal Roger Abaday ang preparasyon sa security plan alang sa nagsingabot nga kapistahan ni Senior San Agustin.

Kini aron masiguro nga malinawon, hapsay ug magmalampuson ang maong kasaulogan diin daghang kalingawan ug programa ang gihan-ay sa kagamhanang lokal.

Tipik niini mao ang military parade nga siguradong dugokan sa bagang doot sa katawhan ug mga bisita nga gikan sa ubang dapit.

Nunot niini, gidapit sa komite sa ipahigayong tigom ang mga representante sa Philippine Coast Guard, Cagayan de Oro City Police Office, Commanding Officer sa Task Force Oro, Engr. Nonito Oclarit sa Roads and Traffic Administration, Mr. Nick Jabagat sa Local Disaster Risk Reduction and Management Office ug City Administrator Atty. Roy Hilario Raagas.

Malaumon si Konsehal Roger Abaday nga sa maong tigom, ang nasangpit nga mga personahe makahatag sa ilang panahom ug rekomensdayon alang sa maong kasaulogan. (MLR/SP)