Abaday nanawagan mamintinar kalimpyo sa Oro Boulevard

Gihangyo ni Konsehal Roger Abaday ang katawhan sa syudad nga makigtambayayong aron mamintinar nga limpyo, hapsay ug luwas ang Rio De Oro Boulevard nga naila nang center of physical hub ug tourist attraction sa syudad.

Kini ang unod sa iyang special report atol sa sesyon sa konseho niadtong Lunes nga gidumala ni Bise Mayor Bebot Rodriguez.

Gibutyag sa konsehal ang iyang namatikdan nga adunay magsuroy-suroy sa dapit nga magdala og iro nga bisan asa nalang malibang ug pasagdan lang sa mga tag-iya nga nakahatag og kahugaw ug kabaho sa boulevard.

Matod ni Abaday nga adunay ordinansa ang syudad kalabot niini apan wala gayud mapatuman sa hingpit sa mga hintungdang ahensya sa gobyerno.

Niini, si Bise Mayor Bebot Rodriguez miduso sa taho ni Abaday ngadto sa Komite sa Panglawas ni Konsehal Malou Gaane ug Komite sa Barangay Affairs ni Konsehal Yan Lam Lim alang sa pagtuon ug rekomendasyon.