Abaday misugyot nga pasidunggan ang Magnum Radyo


GIDUSO ni Konsehal Roger Abaday, chairman sa komite sa Senior Citizen sa konseho nga pasidunggan ang Magnum Radyo tungod sa ilang inisyatibo pagtabang sa katawhan pinaagi sa ilang gilusad nga operasyon tabang diin gitunol nila ang mga ayuda sa kabarangayan sa syudad.

Sa sesyon niadtong Lunes nga gidumala ni Bise Mayor Kikang Uy, sumala ni Abaday nga iyang gidayeg ang gihimo sa Magnum Radyo sa ilang pagpang apod-apod sa mga sinakong bugas sa kabarangayan diin daghan sa katawhan sa syudad ang nakapahimulos sa maong tabang.

Niini gisugyot ni Abaday sa konseho ang pagpalabang sa resolusyon paghatag pasidungog sa Magnum Radyo sa ilang gihimong pagtabang sa katawhan sa dakbayan ingon man ang pagpasalamat sa tag-iya ug mga tagdumala sa maong estasyon.