top of page

24 infra project pundohan ubos sa 20%DF sa 2024

BALOR P500 milyones kapin ang 24 ka mga proyekto sa imprastraktura nga gilantawng mapatuman sa tuig 2024 ubos sa 20% Development Fund (DF).


Kini ang nasulod sa giuyonan sa Konseho sa Syudad ubos ni Bise Mayor Bebot Rodriguez nga Revised Annual Investment Program (AIP) sa umaabot tuig 2024.

Lakip sa mga proyektong ipatuman mao ang pagsemento sa dalan gikan sa Sitio Tanguile paingon sa Magayad ug gikan sa Sitio Tinipigan paingon sa Sitio Bonjoc sa Barangay Dansolihon, Magayad road, Tignapoloan, ug Pasau paingon sa Pigsag-an road, Pigsag-an; pag-abli ug pagpalapad sa dalan dinha sa Sitio Balongkot, Tumpagon, Sitio Lerupan paingon sa Sitio Tubalon, Pagalungan, ug Masterson Avenue nga magkonektar sa Balulang Road (Phase 1); pagtukod og flood mitigation structures sa Bigaan River, Cugman River, Cabag-asan Creek, Alae River, ug Agusan River; ug pagpalambo sa mga dalan dinha sa Camaman-an, Carmen-Canitoan road, dalan San Lucas sa Kauswagan, Pagatpat-San Simon road, Tomas Saco, San Simon-Baikingon road, PN Roa main raod, Dansolihon-Balongkot road, Macanhan, Carmen, ug Balulang barangay road.

Malaumon si Bise Mayor Bebot Rodriguez nga ang mga ipatumang proyekto sa imprastraktura magdala og dugang kaarangan ug kalamboan dili lang sa ekonomiya kun dili sa kinabuhi sa katawhang nanimuyo sa mga dapit.


Comments


bottom of page