2026 SAIP 3 aprobado sa konseho

HINIUSANG giuyonan sa konseho atol sa sesyon sa Lunes nga gidumala ni Bise Mayor Bebot Rodriguez ang 2026 Supplemental Annual Investment Program (SAIP) No. 3 nga nagbalor sa P21,781,000.00.

Kini naglakip sa mga Programs, Projects, and Activities (PPAs) sa dakbayan aron matubag ang mga nag-usbaw nga  panginahanglanon sa siyudad, pagsiguro sa episyente nga paghatod sa serbisyo publiko, ug pagsuporta sa RISE CDO agenda sa kagamhanan.

Nahiuyon usab kini sa mga tumong ug prayoridad nga gilantaw nga makatabang dinha sa paghatag sa dugang kaarangan sa kinabuhi sa matag Kagay-anon.

Ang maong lakang gi-certify nga dinalian ni City Mayor Rolando A. Uy human sa makuting pagtuon sa City Development Council subay sa CDC Resolution No. 06 (S.2026). (RNQ/SP)