Mga programa, proyekto sa Brgy 11 mapatuman


Hayan mapatuman na sa Barangay 11 ang ilang mga programa ug proyekto nga gihatagan og prioridad nga maimplementar karong tuiga.


Kini human ang konseho sa syudad sa sesyon kagahapong adlawa nga gidumala ni bise mayor Kikang Uy misagop og resolusyon nga nag-uli sa ordinansa sa barangay alang sa hingpit nga implementasyon human nasuta nga kini nahiuyon sa balaod ug miagi sa makuting pagtuon sa lain laing komite.


Si konsehal Yan Lam Lim, chairman sa komite sa barangay affairs, mibutyag nga iyang gisuportahan nga mapadali ang pagpatuman niini tungod kay dako kini og ikatabang sa kinabuhi sa mga molopyo nga ilang gialagaran.


Ang resolosyon nga gisagop sa konseho alang sa maong katuyuan gipaluyuhan sa komite sa barangay affairs ni konsehal Lim ug komite sa pamalaod ug reglamento ni konsehal Ian Mark Nacaya. (Yonggals)