Goking nangusog maprotektahan ang kinaiyahan

Dili nato angayan isakripisyo ang atong kinaiyahan kun ato lamang sundon unsa ang gikinahanglan.

Mao kini ang pamahayag ni konsehal George Goking atol sa tigom sa komite sa ways and means kagahapong adlawa.

Sa tigom, ang representante sa buhatan sa City Treasurer mibutyag nga sa tuig 2017 nakakolekta og kapin sa P14 milyones alang sa environmental clearance diin ang buhatan milimpyo lamang P6.2 milyones human gikuha ang porsyento alang sa barangay.

Hinuon, matod pa, gipaabot ang pagsaka sa koleksyon sa tuig 2018 kun maaprobahan na ang business permit alang sa mga aplikante sa quarry operations.

Adunay plano sa paghatag og provisional receipt ngadto sa mga aplikante nga mao usab kini ang plano sa miaging tuig aron dili mahunong ang ilang operasyon sa quarry.

Gipaabot usab ang forum nga ipahigayon sa buhatan sa CLENRO aron usab magiyahan ang mga quarry operators. Dugang nga pagtuon usab sa CLENRO sa matag cubico ang gipaabot nga i-rekomendar ngadto sa kometiba alang sa dogang pagtuon.

Ang tigom sa komite gitambongan usab nila ni konsehal Bong Lao ug Reuben Daba (APD)