Taga-Purok 6, Carmen mihangyong marelokar

Hatagan sa pagtagad sa komite sa urban poor ni konsehal Zaldy Ocon ang sulat sa mga molopyu sa Purok 6, 50 Gumamela St., barangay Carmen kalabot sa problema nga gisagubang sa ilang dapit.

Sa ilang sulat ngadto sa komite ni Ocon, ang mga residente mipasabot nga dugay na silang nagpuyo sa dapit gani miabot na 40 ka tuig ang ilang pag-okupar ug sila nahingawa tungod kay ipapahawa na sila sa tag-iya sa maong lote kay matod pa gamiton na.

Matod nila nga kutob nalang sa sila sa Disyembre 5, 2017 hinungdan nga sila hiniusang mihangyo sa komite nga matabangan sila nga makabaton og mga panimalay nga ilang maangkon aron dili sila maataw ataw sa ilang pagpuyo.

Sila malaumon nga matabangan sila sa kagamhanan nga masolusyonan ang problema nga kasamtangan nilang giatubang alang sa kaayuhan sa ilang tagsa tagsa ka pamilya. (Yonggals)