Goking motuon sa hangyo sa taga-Bayabas

Gipaabot tun-an sa komite sa ways & means ni konsehal George Goking ang hangyo ni Christopher Brian Medina, tag-iya sa Safevue Glass Enterprises.

Ang maong hangyo kabahin sa pag-usab sa assessment o’ pagpanas sa real property tax nga gipahamtang kaniya sa buhatan sa City Assessor. Iyang gipasabot nga nakasinati sa dakong pagkalugi ang iyang negosyo human sa nahiagumang kalamidad niadtong Enero 16, 2017 ug sa nahitabo nga sunog niadtong Hulyo 2011.

Niini, siya mihangyo nga mausab ang assessment alang sa balayronon sa buhis sa iyang edifisyo nga nahimotang sa barangay Bayabas, ning syudad ubos sa Tax Declaration no. G-226534. Ang balayronon sa bulohisan mobalor og P3,091,221.35 alang sa tuig 2017 apan kini nagsugod sa tuig 2010. (APD)