Pagpangunay og tunol sa ayuda ngadto sa katawhan, gisugyot ni Konsehal Abaday

DUGAY naman ko nagsugod og pagpanghatag ug nag-apod apod og hinabang bisan ginagmay lang kay kabalo ko unsay kahimtang sa mga tawo labina diha sa akong distrito.

Kini ang reaksyon ni Konsehal Roger Abaday, chairman sa komite sa Senior Citizen sa taho ni Konsehal Enrico Salcedo sa sesyon niadtong Lunes nga gidumala ni Bise Mayor Kikang Uy kabahin sa sugyot paghatag og ayuda.

Matod ni Abaday nga ang buhatan sa City Social Welfare and Development (CSWD) hangtod karong panahona nagsige pa og panglista ug pagpamutos og mga food packs aron iapod-apod sa mga apektadong pamilya samtang gipailawom ang syudad sa Enhance Community Quarantine (ECQ).

Gipasabot ni Konsehal Abaday nga labing maayo kon sila na mismo ang molihok ug manghatod sa tagsa-tagsa ka panimalay kay sila ang nakaila sa nagkinahanglan ug dili na kinahanglan nga iagi pa sa maong buhatan tungod kay makadugang kini sa ilang gimbuhaton.