Abaday gihingusgan ma-enforsar ang ordinansa sa pagtukod og billboard


SI Konsehal Roger Abaday,chairman sa komite sa Senior Citizen misugyot nga direkta tahasan ang in-charge nga opisina sa goberno sama sa City Engineering Office ug Office of the Building Official sa pagpatuman ug pag-enforsar sa silot niadtong nakalapas sa ordinansa ingon man sa National Law.

Kini ang reaksyon ni Abaday sa special report ni Konsehal John Michael Seno atol sa sesyon niadtong Lunes nga gidumala ni Bise Mayor Kikang Uy kabahin sa giingong adunay pipila ka mga billboard sa syudad nga nakasupak sa ordinansa.

Matud ni Abaday nga kinahanlan ang paspas nga aksyon niini tungod kay dugay na ug gabalik-balik na kini nga isyu busa iyang giaghat nga maong mga buhatan sa pagpatuman ug pag-enforsar niini.

Samtang giklaro ni Abaday nga walay maka diktar sa mga huna-huna sa matag myembro sa konseho kay adunay katungod ang matag indibidwal nga mopadayag sa ilang mga sentemento.

Niini nanghinaot si Abaday nga mapadali kini aron masuta kon adunay bay nakalapas sa balaod.