Dahino mitimbaya sa katawhan sa malipayong pagsaulog sa Pasko

Si konsehal Edna Marban-Dahino, chairman sa komite sa Women & Family Relations, mipaabot sa iyang kinasingkasing nga pagtimbaya sa katawhan sa dakbayan sa usa ka m

alipayon nga pagsaulog sa pasko ug sa umaabot nga bag-ong tuig.

Si konsehal Dahino nanghinaot sa usa ka malinawon nga pagsaulog. Ang pamilya nga magkahiusa bisan sa ka kabus adunay hayag nga kaugmaon sa mga kabataan.

Siya miaghat usab sa kapolisan sa dakbayan nga kanunay nga magmabinantayon ilabina usab sa kahimtang sa seguridad atol sa kasaulogan.(APD)Daba malaumon sa masadyang Christmas party sa City HallSi konsehal Reuben Daba, chairman sa komite sa katilingbanong serbisyo, mipaabot sa iyang pahalipay ngadto sa mga opisyal ug kawani sa City Hall sa ipahigayong Christmas Party karong hapon, Disyembre 15, ning tuig diha sa City Hall quadrangle.

Nasayran nga ang maong kalihukan salmotan sa tanang departmento sa City Hall, usa ka kalihukan nga kausa lang mahitabo matag tuig.

Matod ni Daba nga kini ang adlaw diin ang tanang mga empleyado sa City Hall magkatapok ug mag-usa alang sa usa lamang ka direksyon pahinungod sa nagsingabot nga pasko ug sa nagsingabot nga bag-ong tuig.

Hinaut nga magmalampuson ug magsadya ang pagsaulog sa maong Christmas party sa tanang kawani sa City Hall dala ang panghinaut nga mabatunan ang pagsinabtanay ug paghinatagay ilabina ngadto sa mga nanginahanglan, pamahayag ni konsehal Daba. (Yonggals)