Goking mitambong sa Bulua Senior High Job Fair

Si konsehal George Goking, chairman sa komite sa trade & commerce, mipaambit sa iyang mensahe atol sa gipahigayong Job Fair dinha sa Bulua National High School.

Ang kalihokan alang sa NCII holder Senior High School dala ang pagkab-ot sa tinguha sa K to 12 Basic Education Program. Mahinumduman nga sa milabayng semana gipahigayon sa tunghaan ang Job Fair alang sa mga mogradwar sa Senior High nga buot manarbaho na ug dili na motiwas sa kolehiyo.

Ang kalihokan nakasentro sa job hiring, student-job matching ug career pathways alang sa bakante nga trabaho sa labor market.

Si konsehal Goking miingon nga importante kaayo ang maong okasyon ug nagdasig sa mga NCII holder nga makaangkon sa mga trabaho nga haom sa ilang mga kwalipikasyon. Kinahanglan usab suportahan ang maong kalihokan kay kini magdasig sa mga kabataan ug kakugi sa ilang pagtuon. (APD)