Dahino motuki sa sugyot mabayran loteng naigo sa gipatumang road project

Tun-an sa komite sa panalapi ni konsehal Edna Dahino ang resolusyon nga gipalabang sa Local Finance Committee nga nagrekomendar nga mauyunan ang paggahin sa kantidad nga mokabat sa P795 mil aron ibayad sa claim for just compensation sa lote diha sa Calaanan, Canitoan.

Mahinumduman ang lote nga adunay gilapdon nga 644 metros kwadrado naigo sa gipatumang pag-abli og dalan diha sa maong dapit aron magamit sa katawhan.

Niini, ang komite ni Dahino gipaabot mopatawag og tigom alang sa maong katuyuan nga tambungan nila ni konsehal Dahino, Teodulfo Lao Jr, Zaldy Ocon , Reuben Daba, Enrico Salcedo ug George Goking ingon man ug hingtungdang departamento sa City Hall. (Yonggals)