Annual budget sa Dansolihon konsiderahon sa brgy affairs

Konsiderahon sa komite sa barangay affairs ni konsehal Alam Lim ang resolusyon nga gipalabang sa konseho sa barangay Dansolihon.

Kini kalabutan sa ilang ordinansa diin nasukip ang 2018 Annual Budget sa barangay nga adunay gibanabanang gahin ug galastohon balor P5 milyones kapin.

Lakip sa gipundohan sa barangay ang pag-rehabilitar sa ilang mga dalan, pagtukod og walk thrill gikan sa Sitio Langag paingon sa Canaan, pagrehabilitar sa ilang Day Care Center, concrete paving sa Solar Drier diha sa Sitio Butay.

Gipunduhan usab sa barangay ang pagtukod og facility recovery ingon man pagrehabilitar sa ilang sistema sa panubig, 5 porsyentong calamity fund, 10 porsyentong pundo alang sa youth development ug uban pang programa ug proyekto nga gilantawng maghatag og dugang kaarangan sa barangay ug sa kinabuhi sa ilang katawhan. (Yonggals)