K-PLUS naakredit isip LSB

Naakredit na isip usa sa mga Local Special Bodies (LSB) sa kagamhanan sa dakbayan sa Cagayan de Oro ang Kagay-an PLUS Preserving Life, Uniting Society, Inc. (K-PLUS).

Kini human ang konseho sa syudad ubos ni bise mayor Kikang Uy misagop sa Resolosyon alang sa maong katuyoan pinasubay sa DILG Memorandum Circular No. 2016-97 ug Article 64, Rule XIII sa Rules and Regulations nga nagpatuman sa Local Government Code.

Si konsehal Malou Gaane, chairman sa komite sa panglawas ug usa sa mga nagpaluyo sa gisagop nga resolosyon mibutyag nga niini nga paagi ang kapunungan mamahimong makadawat sa gikinahanglang ayudang pinansyal gikan sa kagamhanan sa dakbayan o’ mga ahensya sa gobyerno segun sa mga rekisitos nga gilatid sa COA Circular nunot sa paggamit sa pundo.

Ang resolosyon nga gisagop sa konseho alang sa maong katuyuan paborableng gipaluyohan sa komite sa panglawas ni konsehal Malou Gaane ug komite sa pamalaod ni konsehal Ian Mark Nacaya.