Balor P22.73M projects, programs mapatuman

Dugang mga proyekto ug programa ang ipatuman sa daling panahon sa kagamhanan sa dakbayan sa Cagayan de Oro.

Kini human giuyunan sa konseho sa syudad ubos ni bise mayor Kikang Uy ang Supplemental Budget No. 4 sa General Fund sa Calendar Year 2017 diin nasukip ang mga programa ug proyekto balor P22.73 milyones.

Lakip sa mga gipundohang proyekto nga ipatuman mao ang pagpalit sa usa ka lot CDO Symphony of Lights balor P6.5 milyones, pagtukod og Composite Pit (Sharp Vault) sa City Health Office, pagbayad sa bayronon sa kuryente, pagpatuman sa Mandatory Drug Testing alang sa mga opisyal ug kawani sa City Hall ug pagpalit sa gikinahanglang ekipo sa buhatan sa City Equipment Depot.

Ang ordinansa nga gipalabang sa konseho alang sa maong katuyoan gipaluyohan sa komite sa pamalaod ni konsehal Ian Mark Nacaya.