Rotary Youth Officials mainiton nga gidawat sa konseho

Mainitong gi-welcome sa konseho sa syudad ubos ni bise mayor Kikang Uy ang mga bag-ong hut-ong sa Rotary Youth City Officials nga milingkod isip mga counter parts sa mga opisyal sa kagamhanan sa syudad gikan sa Department Head, mga konsehal, bise mayor ug mayor.

Usa kini ka tinuig nga programa sa Rotary Club of Cagayan de Oro ug sa kagamhanan sa syudad nga nagtumong paghatag sa kahigayunan nga makasilbi ug makaserbisyo sa katawhan sa syudad susama sa gabuhaton sa mga opisyal.

Sa sesyon sa konseho niadtong Lunes nga gidumala ni acting vice mayor Zaldy Ocon, pormal nga gipresentar ni Tito Mora.

Ang maong mga RYO gipailaila lakip na ang ilang mga tunghaan ug kini gipangunahan nila ni Rotary Youth Mayor Christian Ceazar Manabat sa Liceo de Cagayan University ug vice mayor Anthony Francis Fornilos sa Merry Child School uban sa mga konsehal nga sila si Sofia Allyson Sy (X.U; Clint Russel Dosal (Bugo National Highschool); Mary Joy Corpuz (Dansolihon National HIghschool); Princess Khylaa Racman ( Balulang National High School); Shaina Casandra Laid (Iponan National High School); Julian Marie Tan ( Lumbia National Highschool); Jackylou Saberon (Bayabas National Highschool); Elda Marrize Galacio (Little Me Academy) ug Chistine Mae Madtahir sa Puntod National Highschool.Sila si Xymon Rosales (Indahag National Highschool); Christ Israel Millare (Bulua National Highschool); Pauline Jhun Amper (Lourdes College- IBED); Emmanuel Nicole Sinayon (Cagayan de Oro National Highschool); Jamaica Alico (Noah’s Ark Christian School); Jayson Kilat (Carmen National Highschool); Rio Patricia (PHINMA- Cagayan de Oro College) ug Alexie Adlaon sa International School.

Sa laing bahin, magsilbing mga counter parts usab sa mga hepe sa nagkalain laing departamento sa City Hall sila si Robert Roy Gallardo (Gusa Regional Science Highschool ); Allena Mae Librando (Assumption Montessori School); Dionne Gemmajelle Sumanpan (Academy of International Education ); Zeefpril Saldivar (Pilgrim Christian College); Liannah Danika Lambayao (Corpus Christi School); Mathew Sugang (Tablon National Highschool); Jaylord Chris Borres (Kauswagan National Highschool) ug Matt Jhonnel Baylosis sa Sacred Hearth Academy of Bugo.

Si Rotary Tito Mora kinsa nagrepresentar sa maong mga estudyante mibutyag nga ang maong mga estudyante mga pinili gikan sa 74 ka public schools ug private schools sa syudad ug gipili atol sa Generation Forum nga gipahigayon niadtong Biernes.

Dugtong niini, gipasalamatan ni Mora ang kagamhanan sa makanunayon niining pagsuporta sa Rotary Club sa maong programa nga gahimoon matag tuig.