Suan malaumon sa panaghiusa sa tanan

Usa ka makahologanon nga pag-ampo ang gipangolohan ni konsehal Lordan G. Suan, chairman sa komite sa Ethics & Blue Ribbon sa konseho atol sa milabayng sesyon sa konseho sa dakbayan nga gidumala ni bise mayor Kikang Uy.

Gipangayo ni konsehal Suan ang bendisyon sa mga opisyales sa konseho uban sa mga empleyado nga makahatag og sagrado nga panerbisyo aron mahatag ang kinasingkasing nga serbisyo ngadto sa katawhan sa dakbayan nga adonay integridad, kakugi ug kahibalo sa serbisyo nga ilang ihatag ngadto sa katawhan.

Dugang nga gipangayo ni konsehal Suan mao ang pagpili ug pagdesisyon sa mga butang nga angayan sa walay paglantaw kun diin sila gikan. Ang pamatasan, kaisog ug pagpaubos unta magpabilin kanunay sa matag kasingkasing aron kini mahimong ehemplo sa mga katawhan.