Solidwaste Mgmt Law sa Agusan mapatuman na

Mapatuman na sa hingpit sa konseho sa barangay Agusan ang ilang Solidwaste Managament and Waste Segregation Law.

Kini human giuyonan sa konseho sa syudad ubos ni bise mayor Kikang Uy ang gipalabang nga Ordinance No. 004 s’ 2017 sa konseho sa barangay Agusan nga nag-require sa tanang molopyo, operators, managers, lessees, mga nag-okupar sa mga business, commercial, industrial ingon man pribado ug publikong mga establisamento sa pagbahin bahin sa ilang mga basura ngadto sa malata, dili malata ug mapuslan pa.

Ang ordinansa nagpahamtang usab og multa ug silot ngadto sa mga masapong makalapas niini.

Ang resolosyon nga gisagop sa konseho alang sa maong katuyuan gipaluyohan sa komite sa barangay affairs ni konsehal Alam Lim ug komite sa pamalaod ni konsehal Ian Mark Nacaya.